Алибек Тамбиев - Ахратны эсгериу | Текст песни

• Тексты песен
• Алибек Тамбиев
• Ахратны эсгериу

Pesni.guru - сайт для Гуру

сёзлери - Эбзеланы Абу-Юсуф хаджини
макъамы - Тамбийланы Алибекни

Бу къадар айланнган халкъ джер юсюнде тизилиб,
Кирмезлик джокъ къабыргъа, джашаулары юзюлюб.

Къайгъылары, эслери дуния джашаугъа кетиб,
Бар болурму ахратны эсгерген, сагъыш этиб.

Джер-джерде, орамлада джоббу-джоббу джыйылыб,
Чий хансча, джаш тёлю да чёгелле, джыйырылыб.

Хар бири да хан кибик, джюреклери тау кибик,
Адеб, хурмет джокъ кибик, болумлары шау кибик.

Джюрюшлери къуджурла, аджашхан малла кибик,
Бир-бирине хырылдай, талашхан итле кибик.

Къызла да орамлагъа, къымжа болуб чыкъгъанла,
Последний модады деб, киндиклерин ачханла.

Алагъа джукъ айтмагъыз, ала акъыл тёбелле,
Джукъ айтсанг да, осагъат санга акъыл тёгелле.

Къартлагъа да къарасанг – бир къуджурла, тюрлюле,
Бир къаууму бёрюле, бир къаууму тюлкюле.

Ала да бузулдула, хатер джокъ – сюйюмсюзле,
Бетлери да аланы бир хурметсиз нюрсюзле.

Тиширыула да дуния малгъа мыллык атханла,
Уятны, бетни да ташлаб, адамлыкъны сатханла.

Брер сагюнджю кёлтюрюб, орамлада джайылыб,
Къалайгъа къарасанг да, джоббу-джоббу джыйылыб.

Базарлада, орамда алларындан къачыгъыз,
Ала теблеб кетгинчи, алагъа джол ачыгъыз!

Тюкен, базар къоймайын, айланалла чабышыб,
Багушда чириб къаллыкъ быстырлагъа джабышыб.

Тынчлыкъ табарыкъ тюлле, муратлары толмаса,
Башынгы къандырырла, ала айтхан болмаса.

Эркишилени ала къойгъанла таргъа тыйыб,
Ауузунгдан сёз чыкъгъынчы, сени мюйюшге джыйыб.

Автобусда кишиге орун бере билмейле,
Не сёзде, не оноуда алгъа киши иймейле.

Сёлеширге устала, эки тил да къатышыб
Орусу, къарачайы бир-бирине чалышыб.

Зарлыкъдан да ёлелле, бир-бирине эришиб,
Алагъа джукъ айтмагъыз, къаллыкъдыла гирешиб.

Не уллу, не эркиши деб къалмады бир хурмет,
Бу барыу была барса, не болурбуз, ай медет.

Ауузунгдан сёз чыкъгъынчы сёзюнгю аладыла,
Эслеб, тохтаб къалмасанг, орнунга саладыла.

Бой сал да сен тынч тохта, башны кёб аурутмайын,
Алайсыз ала дертлеб турлукъла, унутмайын.

Сёлеширге устала арымайын, талмайын.
Бир таукел сёлешелле, джунчумайын, уялмайын.

Арты-аллы болмагъан сёзню къайдан табалла?
Сен сёзюнгю айтхынчы, сени ауузунга чабалла.

Ала чырт терс болмайла, къоюгъуз, кюрешмегиз,
Эркиши не биледи, ала бла эришмегиз!

Таб эсинге келмеген затланы да айтырла,
Кеслерин тюз этерге уятны, бетни атарла.

Сакъ сёлешмесенг ала орнунгу табдырырла,
Башынгы сакъламасанг, бек исси къабдырырла.

Къайгъысы кёб болса да, къарыусузлугъу ючюн,
Эркишиге аманат этилди ол анычюн.

Биз къанаула болгъанбыз, тиширыулагъа тынглаб,
Алай тынчыракъ болур, ариу турсанг да англаб.

Эркиши орнубузда эркишича туралсакъ,
Ала бузулмаз элле, аланы тюз туталсакъ.

Бу джарлы халкъны арты, къалай болур билмейме,
Блай барса – джокъ ышаныу, тюзет Аллах, тилейме!