Алибек Тамбиев - Берне | Текст песни

• Тексты песен
• Алибек Тамбиев
• Берне

Сёзлери Эбзеланы Абу-Юсуф хаджини, макъамы - Тамбийланы Алибекни.

Бурундан келе тургъан бард бизде бир къыйынлыкъ,
Биз муслиманла болсакъ, ол болуред тыйыллыкъ.

Биз Ислам диннге толу къайталмайын къалгъанбыз,
Бурун джахил замандан терс адетле алгъанбыз.

Не адебге, не диннге келишмеген затланы,
Адет этиб тутабыз, багъалатыб аланы.

Тюз англагъан хар адам сейирсинед алагъа,
Разы болмай берилген – ол тюрлю саугъалагъа.

Джукъ англамагъан къауум бек къызыбды бернеге,
Къаллай азабы барды, келтиреди ол неге?!

Аллы, арты да къайгъы, ким болур онгнган андан,
Ким семирди, бай болду берне деген саугъадан.

Тюйюш, уруш, гурушха аны хайыр бергени,
Келин къойгъан, юй чачхан – андан адам кёргени.

Талай джылны оу болуб, ол ёсдюрюб кюрешген,
Баласын санга берсе – рысхысын да юлешген.

Къызын юйюне салыб, рысхысын да ташыгъан,
Муслиманлыкъ къайдады, рысламайын ашагъан!

Муслиман адам аны, уялмайын къалай алыр,
Аллахындан къоркъмайын, юйюне къалай салыр?!

Ол неге келишеди, тюзлюкге эс бёлгеннге,
Этдирелле бернени, саулагъа къой, ёлгеннге.

Игитда ол харамды, халал къалай боллукъду?
Аны этмесе къызы, къыйынлыкъда турлукъду.

Осагъат къайгъы тюшер, тёрт джанындан чанчарла,
Къатын джыйын сёз этиб, сау дуниягъа чачарла.

Бютюн да бек сейири – ётюрюкню айталла,
Ата-ана этгенни – келинчикге атайла.

Къызым къоюлады деб, не бир къайгъы чыгъад деб,
Къатын джыйын тохтамай бир джанындан чанчад деб,

Джаратмасала аны, болушмайды берне да,
Джел алды эм суу элтди, къарасанг джокъ хар не да.

Бурундан бери келген, тюзю ариу адетле,
Къызгъа саугъа этелле, эски уллу миллетле.

Тау адет, кийик адет энди керегед къалса,
Харам болгъанын англаб, миллет эсине алса.

Эки джаны къадалыб, аланы юй этселе,
Хар ким да табханчыгъын, экисине берселе.