Алибек Тамбиев - Бийле | Текст песни

• Тексты песен
• Алибек Тамбиев
• Бийле

Pesni.guru - сайт для Гуру

Сёзлери Эбзеланы Абу-Юсуф хаджини, макъамы - Тамбийланы Алибекни.

Бирле махтанадыла, биз бийле болгъанбыз - деб,
Бирле да, сый чакъыра, биз байла болгъанбыз - деб.

Къаллай байла болгъанла, къуру Аллах биледи,
Тюзлюкню тутханмылла – аны Аллах кёреди.

Динлерин тутханмылла, зекят а бергенмилле,
Джалчыланы хакъларын толу тёлегенмилле?

Бюгюн сен махтанырча, хапар бармыд аладан?
Къуру хапар айтаса байлыкъдан эм малладан.

Бир айт сен меннге хапар, ол рысхы халалмыды,
Огъесе джарлы хакъы болуб ол хараммыды?!

Джалчыларын джылатмай, ол разы этгенмиди,
Ала «гюнахы къурсун» дей, мындан кетгенмиди?

Мында аны ким билед, одуниясы къалайды,
Анда уа, не къыйынлыкъ, не зауукълукъ сакълайды.

Бу затладан хапарсыз къалай махтанад адам,
«Бай эди, бий эди» деб, бурунда мени атам.

Кимни къулу болгъанын кёрюр иги къараса,
Динсизлеге къул болдукъ, тюзюн айтыу джараса.

Бай атеист къралда, уллу къыйынлыкъ чекди,
Ол байны эм джарлыны бир боюнсхагъа джекди.

Уллу къыйыллыкъ берди, байны, бийнида тутуб,
Рысхыларын сыдырды, джугъун къоймай къурутуб.

Ёлмей сау къалгъан байла ишлелле къарын хакъгъа,
Джанларын сакълар ючюн, къул болуб гяуур халкъгъа.

Бир кёзюуде ол байла джарлылагъа кюлдюле,
Энди джарлыла бла тенг кюн тюбюнде кюйдюле.

Кимге къул болгъанларын ала иги билмейин,
Къулну, бийни айырыб кюрешелле кёрмейин.