Алибек Тамбиев - Муслиманмыды сора ол? | Текст песни

• Тексты песен
• Алибек Тамбиев
• Муслиманмыды сора ол?

Pesni.guru - сайт для Гуру

Сёзлери Эбзеланы Абу-Юсуф хаджини, макъамы - Тамбийланы Алибекни.

Джаратханны билмесе, Расулгъа эс бёлмесе,
Гюнах-сууаб демесе, муслиманмыд сора ол?

Харамдан кенг турмаса, борч намазын къылмаса,
Ауузу да тыйылмаса, муслиманмыд сора ол?

Намазгъа сый бермесе, диннге хурмет этмесе,
Фарыз, уаджиб демесе, муслиманмыд сора ол?

Оразада, орамда ичиб, тентирей барса,
Халкъ да анга къараса, муслимнмыд сора ол?!

Оразаны сан этмей, тютюнюн тарта барса,
Аны ючюн уялмаса, муслиманмыд сора ол?!

Азаннга тынгламаса, къулагъына алмаса,
Аллахындан уялмаса, муслиманмыд сора ол?!

Намазны, оразаны, не аны тутханланы,
Сыйламаса аланы, муслиманмыд сора ол?!

Майна ораза айда тютюн иче барады,
Бир джукъну сыйын кёрмей, хайуан болуб къалады.

Муслиманланы къачын кёрейим дей билмейди,
Дин деген ол не затды, аз да эсин бёлмейди.

Сюйсе, эсириб барыр, сыйлы ораза айда,
Тутхан къауумну сыйын кёрейим деген къайда.

Бир ичер чурум болса, аны аллын сакълайды,
Алайсыз оразаны ол а неге санайды?!

Гъайыд кюнле джетсе да, оруслуча, айланыр.
Къайда болса да ичиб, ол эсириб сойланыр,

Ёлсе муслиман дерле, анга салах тартырла,
Дин къарнашыбыз эди, деб кёб махтау айтырла.

Къызлагъа къарасанг да, марушкоча, къымжала,
Орамланы толтуруб, айланадыла ала.

Уятны, бетни атханла, бедербетле болгъанла,
Къалайгъа къарасанг да, тиширыула толгъанла.

Афендини аллында этин джаба билмейди,
Айыб бюсюреу деген къулагъына кирмейди.

Муслиманнга ушагъан бир джугъун да кёрмейсе,
Ёлсе, шагъат боласа, эсинги бир бёлмейсе.

Аны да муслиманча, салах тартыб асрайла,
Барына да алагъа муслиман деб, къарайла.

Къаллайын да айырмай, джаназыны къылалла,
Динли динсиз дей билмей, бек къатышыб къалалла.