Гаухар Алимбекова - Ақ келін | Текст песни

• Тексты песен
• Гаухар Алимбекова
• Ақ келін

АҚ КЕЛIН
Әнi: Гауһар Әлiмбекова.
Өлеңi: Назира Бердалы.

Бiр-ақ күнде қуантып қос ананы,
Сыңсу айтып, қыз-көңiл босағаны.
Әлпештеген әкеңнiң аппақ қызы ең,
Ақ келiн боп аттадың 2 рет
босағаны.
Қайырмасы:
Аппақ гүлдей ағашқа жаңа бiткен,
Үлбiрейсiң, үмiттен жаралып па ең?
Басқа тойлар бастауы — бүгiнгi той,
Бүгiнгi той — қоштасу 2 рет
балалықпен.

Сәлем салып, басыңды ие бердiң,
Қолтығыңнан сол сәтте сүйеген кiм?
Мiне, сондай жеңгелер жолын қуып,
«Ана» деген жақсы атты 2 рет
иемденгiн.

Шауып кетiп барады құлын-күнiң,
Сен бойжеттiң — осыны ұғын, гүлiм.
Ақ дастархан үстiнде ақ бата алып,
Жаңа өмiрдiң ашасың 2 рет
шымылдығын.

Ата-енеңдi құрметте, отағасын,
Берiк қылып осы үйдiң босағасын.
Ақ ниетпен отқа май тамызған соң,
Шаңырақтың шаттығы — 2 рет
От-Анасың.