Учкекен - Фатима | Текст песни

• Тексты песен
• Учкекен
• Фатима

Музыка Азрета Байчорова, стихи Абугалия Узденова.

Мен алгъы бурун сюйюб башлагъанма,
Ой ариу Фатима, атынгдан,
Ингирде дери олтуруб турсам да,
Туруб кеталмайма къатынгдан.

«Фатима» эте, ой «Фатима» эте,
Акъ марал атадым атынга.
Сюймеклигими санга айтыр эдим,
Джууукъ олтурсанг а къатыма.

Джашнай а келеди ариу марал -
Къарамындан киши тоймайды.
Ариуулугъун ушаб ... балагъа
Кюн анга айланыб, тохтайды.

Джырынгы джырласам, ариу Фатима,
Джоргъа болады тору атым.
Бек тилегенлей а, келиб къалырса
Деб - буду мени да муратым.

Сюймеклик ауруу а ол сан ауруду,
Кийик санларымы арытды.
Кёзлерингден ургъан нюр джарыкъчыгъынг
Саулай элибизни джарытды.

Ой нюр джанганды бизни элибизге.
Джанкъылыч ойнайды башында.
Алтын чашчыгъы джылтырай келеди,
Майна къарачыгъыз къашына.

Ой тау тюбюнде Теберди элибиз,
Ой джылтырайды, ой джашнайды.
Ол ариу кёзлючюк орамгъа чыкъса,
Бизни кёзлерибиз къамайды.

Сенден кёзлерими алалмай къалдым,
Ариуум, джанымы бермесем.
Айгъа ушатыб, къарай эдим сенге,
Мен айны кёкде уа кёрмесем.

Юйюгюзню джанында ол терен кёлню
Къайыкъгъа миниб да ётейик.
Бу джерни хауасы санга джарашмайд,
Биз тюз джерлеге да кетейик.

Келчи бир кетейик,келчи кетейик,
Мен джер салайым тору атха.
Андан саугъала алыб да къайтырбыз
Бютеу тийрегдеги къызлагъа.

Фаэтонга миниб да барырбыз, Фатима,
Айланырбыз Кавказ таулада.
Ёлгенле сени тилерик болмазла,
Мен да берлик тюлме саулагъа.

Къууанч бла къалыгъыз, ой джаш тенглерим,
Мен а узакъ джерге кетеме,
Мен кесим къалсам да, сиз кёб джашагъыз,
Джырымы осият этеме.