Халимат Гергокаева - Иги сёз | Текст песни

• Тексты песен
• Халимат Гергокаева
• Иги сёз

Pesni.guru - сайт для Гуру

Музыка Фатимы Мамаевой, стихи Кязима Мечиева.

Иги сёзню бычакъ кесмез,
Иги сёзню боран элтмез.
Иги сёз отда да кюймез,
Иги сёзге багъа джетмез.

Припев:

Тоюнг, къууанчынг – иги сёз,
Кюнде джубанчынг – иги сёз.
Кюнде тыянчынг – иги сёз,
Къаманг, къылычынг – иги сёз.

Иги сёзсюз джашау неди?
Тузсуз хантха теппе-тенгди!
Иги сёзню айтхан – эрди!
Акъылы, джюреги кенгди.

Окъ джерине джетиб, суууйд,
Суу да бир заманда къуруйд,
Иги сёз сууумаз, къурумаз,
Аны киши тутуб тыймаз.

Припев.

Иги сёз – джомакъды, джырды,
Сёзю барны – кючю барды!
Иги сёзсюз дуния тарды,
Джюрек, джол да къарангыды.

Припев.

Иги сёз – кёз джарыгъынгды,
Ахлунга айтырыгъынгды.
Джылы отду от джагъангда,
Ол къоруулайд душманынгдан.

Припев.